Blog de Primaria

O sábado, o alumnado do noso colexio participou con moita ilusión na Carreira Popular de San Martiño, demostrando espírito deportivo, esforzo e moitísima enerxía. Foi unha mañá chea de sorrisos, superación e compañeirismo. Ver como cada neno e nena daba o mellor de si é o que máis nos enche de orgullo.  Grazas tamén ás familias polo seu apoio constante, polos ánimos, desde as beiras do percorrido ou desde o propio percorrido cos máis cativos, e, por compartir connosco esta experiencia tan especial.  Parabéns a todos e todas pola vosa participación e por representar ao centro con tanta alegría e deportividade.  Seguimos sumando experiencias xuntos, somos familia Vedruna!