O comezo do curso sempre é un momento especial. Novos retos, reencontros cos compañeiros e compañeiras, profesorado cheo de ilusión e moitas ganas de aprender. Para dar a mellor benvida ao novo curso, o alumnado de Educación Primaria e da Aula de Especial participou na tradicional convivencia de inicio de curso, unha xornada pensada para fortalecer a amizade, compartir valores e desfrutar entre todos e todas.
Durante a convivencia, os nenos e nenas realizaron dinámicas de grupo, xogos cooperativos e actividades ao aire libre ou no patio, dependendo do curso, que favoreceron o compañeirismo e a confianza. Os máis pequenos gozaron especialmente cos xogos de presentación, que lles axudaron a coñecerse mellor, mentres que os maiores participaron en dinámicas de reflexión para marcar obxectivos comúns e persoais para o curso.
As convivencias concluíron cun ambiente cargado de ledicia e optimismo. Sen dúbida, foi un día inesquecible que recordou a todos que aprender tamén significa convivir, compartir e medrar xuntos.
.HEIC)
